كل سنه و انت خاين .... إهداء لكل خاين

و هو يعتبر من اكابر الكتاب باللهجه العاميه



كل سنه و انت خاين زى ما انت

تعيش و تحب تانى و تجرح قلب تانى

تفضل غدار انانى و جارح زى ما انت

ولا اكون انا النهايه ولا اكون اخر حكايه

وتزيد الضحايا اللى جارحها انت

***

كل ما صوت البحر يفكر عينى بصورتك

اندم وارجع وأحمد ربى انى خسرتك

نار الجرح خلاص خلتنى بكره سيرتك

كلامك
سلامك
حنانك وغيرتك

كان كله ..... كدب و خداع

كان كله ..... وهم و ضياع

كان حلم .....اخره الوداع

خلاااااااص

***

ولا همك عزاب سنينى

ولا همك يموت حنينى

كان و هم بينك و بينى

خلااااااص

***

طبعا ..... واجب عليا

طبعا ..... اقدم هدية

طبعا ..... واجب عليا

طبعا ..... بعد التحيه

اسمع ابسط هديه ..... غنتها عشانك انت

***

انت غرامك أسود ذكرى عاشت فيا

انت مريض مولود بالجرح و بالانانيه

انا اتمنى الموت ولا انك ترجع ليا

انا والله لازم تندم اوى عليا

***

انا هافضل وهاشفى دائى

انا قلبى معدش باقى

انا بعدك خلاص نهائى

انا بكره سعات لقانا

انا هاقتل سنين هوانا

كفايانا كدب و خيانه

خلاااااااص

***

انا سبتك لعبت دورك

انا بعت عمرى فى بحورك

انا سبتك رضيت غرورك

خلاااااااص

***

انا سبتك لعبت بيا

انا دورى كان الضحيه

اهى خلصت المسرحيه

خلااااااص

***

انا زيك شريك وجارح

كان غدرك طليقه جامح

وانا دايما اقول مسامح

خلاااااااص

***

انا زيك ظلمت روحى

انا خنت املى و طموحى

وانا بدفع تمن جروحى

خلاااااااص

***

انا هافضل وهاشفى دائى

انا قلبى معدش باقى

انا بعدك خلاص نهائى

خلاااااااص

***

انا بكره سعات لؤانا

انا هاقتل سنين هوانا

كفايانا كدب وخيانه