بحبك مهما كان ووقف ما بيننا انسان
ولا هقدر فى يوم انسااك مهما عدى زمان
بجبك ومش قادر على الاحزان
ولا حتى لو فكرت فى النسيان
بعشقك وبدوب فى كل مافيك
ونفسى اعيش بس ليك
واخققلك كل امانيك
وبيك اكون حلم قلوب كتير
واعيش معاك حلمى الكبير
وافضل الف وادور علشان ابينلك اجمل دور
ويدور علينا الزمن ومنحسش بوهن
طول ما احنا مع بعض لاخر عمرنا لحد الكفن
وكفايه عليا اكون بين ايديك حاسس كل ما فيك
وعيونى فى كل مكان تلاقيك
واجمل ما فيك انك جمبى فى حضنى بين وريدى ودمى
واقربلى من ابويا وامى
وهمى انى ادفن احزانى فى حضنك فى قلبك
وتضمنى واضمك واشيل وامحى كل الامك وهمك
وتبقى فرحتى وسعادتى فى دنيتى
وتخلينى احول من جراحى لفرحتى
ومنايا انك تكون املى وهنايا
ارضى وسمايا واشيلك فى قلبى واسكنك جوايا
عشان محدش غيرى يشوفك
يحس بيك او بطيفك
واكونلك اجمل سنين وعشق وحنين
ومتشوفش معايا دموع
طول ليلك ويايا سهر وشموع وفى حضنى من غير رجوع
ولا لوم على الدنيا والناس
وزمن الاخلاص واكونلك اجمل واغلى احساس
بحبك ومش قادر مكونش غير ليك
ومش عارف هل عمرى كله يقدر يوفيك
يا اجمل هديه بعتها ربنا ليا ياعمرى وروحى واغلى مانيا
يادنيتى اللى خلاص بقت ليا
وصدقنى انت اكبر من بسمه على شفايف
قلب كان يوم خايف انه ميلاقيش حبيبه
وهناه وفرحه ولهيبه
وكلام كتير مش هيوصف حبى ليك
ودعوتى انى مكونش غير ليك
وتعدى السنين وتفوت وقلبى عليك بيموت
وبنادى باعلى صوت انت حبيب وجدانى
روحى وكيانى واجمل كلام ومعانى
وبعانى لو بعدت عنى بعيش عذاب
وكانى من غيرك سراب ومقفوله فى وشى الابواب
وضباب وحاجات كتير بتروح منى
لو حصل ما بينا فراق بموت من الاشتياق
وافكر انى عمرى ما ازعلك منى وتسامحنى
لانى اسف
اسف انى مقابلتكش من زمان
كنت بقاسى من الحرمان ومعاك حسيت بالامان
وشفت فى عنيك اجمل حنان ومعاك ابتديت وانتهيت كمان
ولو فين من غيرى هحس بيك وكل مافيا حاسس كل مافيك
وطول طريقك شايفاك عنياونفسها تضمك جواها وتغطيك برموشها
وتعيش فيها اجمل ايام هواك
ويكونلك قلبى حارس يحميك من اى لمسه حزن تستناك
واكونلك طول حياتى فى الالم فرحك
وفى الدنيا املك وفى الليالى قمرك
وتكونلى فى اليأس املى وفى الحر بردى
وفى البرد حضنى وفى الطريق صاحبى
وفى المرض دوايا وسعدى وفى الاشواك وردى
وفى الظلام شمسى وفى النور حياتى
وفى الحياه منايا
يا اجمل من كل الملايكه يا اغلى الامانى
